🔴 ਨਰਿੰਦਰ ਮੋਦੀ ਸਟੇਡੀਅਮ ਨੂੰ ਬੰਬ ਨਾਲ ਉਡਾਉਣ ਦੀ ਮਿਲੀ ਧਮਕੀ, ਪਾਕਿਸਤਾਨ ਤੋਂ ਆਈ ਈਮੇਲ

ਨਵੀਂ ਦਿੱਲੀ- ਗੁਜਰਾਤ ਕ੍ਰਿਕਟ ਸੰਘ (ਜੀਸੀਏ) ਨੂੰ ਪਾਕਿਸਤਾਨ ਤੋਂ ਇੱਕ ਈਮੇਲ ਮਿਲੀ ਹੈ, ਜਿਸ ਵਿੱਚ ਨਰਿੰਦਰ ਮੋਦੀ ਸਟੇਡੀਅਮ ਨੂੰ ਉਡਾਉਣ ਦੀ ਧਮਕੀ ਦਿੱਤੀ ਗਈ ਹੈ। ਜੀਸੀਏ ਨੇ ਅਹਿਮਦਾਬਾਦ ਪੁਲਿਸ ਨੂੰ ਸੂਚਿਤ ਕੀਤਾ ਅਤੇ ਅਹਿਮਦਾਬਾਦ ਪੁਲਿਸ ਦੇ ਸੀਨੀਅਰ ਅਧਿਕਾਰੀਆਂ ਦੀ ਇੱਕ ਟੀਮ ਅਤੇ ਬੰਬ ਨਿਰੋਧਕ ਦਸਤੇ ਨੇ ਸਟੇਡੀਅਮ ਵਿੱਚ ਜਾਂਚ ਕੀਤੀ। ਇਸ ਬਾਰੇ ਇਕ ਸੀਨੀਅਰ ਆਈਪੀਐਸ ਅਧਿਕਾਰੀ ਨੇ ਦੱਸਿਆ ਕਿ ਇਹ ਈ-ਮੇਲ ਪਾਕਿਸਤਾਨ ਜੇਕੇ ਦੇ ਨਾਂ 'ਤੇ ਆਈ ਸੀ ਅਤੇ ਇਕ ਲਾਈਨ 'ਚ 'ਅਸੀਂ ਤੁਹਾਡੇ ਸਟੇਡੀਅਮ ਨੂੰ ਉਡਾ ਦੇਵਾਂਗੇ' ਲਿਖਿਆ ਸੀ। ਦੱਸ ਦੇਈਏ ਕਿ ਆਉਣ ਵਾਲੇ ਦਿਨਾਂ ਵਿੱਚ ਇੱਥੇ ਆਈਪੀਐਲ ਮੈਚ ਵੀ ਹੋਣੇ ਹਨ।

ਜ਼ਿਕਰਯੋਗ ਹੈ ਕਿ ਨਰਿੰਦਰ ਮੋਦੀ ਸਟੇਡੀਅਮ ਦੁਨੀਆ ਦਾ ਸਭ ਤੋਂ ਵੱਡਾ ਕ੍ਰਿਕਟ ਸਟੇਡੀਅਮ ਹੈ। ਇਸ ਦੀ ਦਰਸ਼ਕ ਸਮਰੱਥਾ 1 ਲੱਖ 32 ਹਜ਼ਾਰ ਹੈ। ਇਸ ਤੋਂ ਪਹਿਲਾਂ ਮੈਲਬੌਰਨ, ਆਸਟ੍ਰੇਲੀਆ ਨੂੰ ਦੁਨੀਆ ਦੇ ਸਭ ਤੋਂ ਵੱਡੇ ਕ੍ਰਿਕਟ ਸਟੇਡੀਅਮਾਂ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। MCG ਵਿੱਚ ਇੱਕ ਲੱਖ ਦਰਸ਼ਕਾਂ ਦੀ ਸਮਰੱਥਾ ਹੈ।